جاء رد محسن مرزوق بعد تعليق كرونيكورات في القنواة التلفزية على ما دونه: “أنا ساهمت في تأسيس حركة حق وشعارها حقي في بلادي و حق بلادي علي . ورمزها نوارة القلوب أو العبادة باللهجة المحلية. تجدون كل الوثائق على الرابط rightsmovement.net .نمد يدنا بصدق لكل من يريد المساهمة معنا في تحدي تجميع العائلة الوطنية”.
و في ما يلي رد محسن مرزوق:
“بكل لطف لبعض الكرونيكورات الي فيهم ناس نعرفوهم ونحترموهم …والي ما نعرفوهمش ونحترموهم زادة
توة حركة حق الجديدة اعلنت على وجودها وارفقت الاعلان برابط فيه برامج الحزب في وثيقتين هما ميثاق الحركة واعلان برنامجها…وكرونيكور قد الدنيا يخرج يقول كيفاش حركة دون برنامج !!!!!! كيف يما يقولوا اخوتنا المغاربة: هكة؟ يا عباد الله
الحركة الجديدة قالت انه نحن مع قيادة جماعية في المرحلة التاسيسية وحاليا لا رئيس ولا امين عام ولكن هيئة ثلاثية مشتركة ثم بعد عام او اكثر شوية انتخاب قيادة وظائفية بعد الانتهاء من البناء الداخلي، وخرجت قائمة طويلة انا فيها مهتم بالتدريب والتاطير فقط كما اعلنت منذ اكثر من سنة بارادة صافية مني. كرونيكور اخر علق: لماذا يراس الحركة محسن مرزوق؟
توة الواحد يضرب راسو على الحيط؟
يا اصدقاءنا الكرونيكورات يهديكم ربي. انتم تخدموا ربي يياركلكم…ويعاونكم…ابحثوا شوية قبل ما تقولوا حوايج موش غالطة فقط ولكن مشوهة.
والا نرجعوا لمنطق: هذه فاتورة على الحساب قبل ان اقرأ الكتاب؟
ولاننا نحكيوا على الحق، اش احسن من ها الاية الكريمة: ” لِمَ تَلْبِسُونَ ٱلْحَقَّ بِٱلْبَٰطِلِ وَتَكْتُمُونَ ٱلْحَقَّ وَأَنتُمْ تَعْلَمُونَ”، صدق الله العظيم”.
شارك رأيك