خلال جلسة المرافعة في قضية الشهيد شكري بلعيد صباح اليوم الثلاثاء 6 فيفري 2024، تزامنا مع الذكرى 11 لاغتياله، تم منع الاعلاميين من الحضور في جلسة مرافعة لقضية وطنية و هي أول قضية في اغتيال سياسي. عادل اللطيفي استاذ علم التاريخ في الجامعات الفرنسية يتساءل و يعبر عن حيرته من هذا القرار. موقفه جاء في التدوينة التالية:
“علاش منع حضور الإعلام من المرافعات في قضية اغتيال شكري بلعيد؟ القضية هاذي قضية شعب كامل يستنى عندو سنوات يحب يعرف موش فقط اشكون واللي ساهم ولكن يحب يعرف خاصة كيفاش صارت العملية بالضبط، يحب يعرف الحقيقة. حتى طرف ماعندو الحق يكون واسطة باش يعرف الشعب من خلالو حق الاطلاع على المداولات كيما يصير في الدول اللي تحترم شعبها.
هذا ضرب لحق الشعب، وهذا ضرب للقضية ولحق شكري بلعيد وقرار غبي لمزيد التشكيك في أي محاكمة للقتلة وللاطراف المتورطة.
حذاري، التوانسة يحبو يعرفو الحقيقة وموش مجرد أحكام تغذي فقط نزعة الانتقام اللي قاعدة تسير في الشأن العام توة”.
شارك رأيك