و لهذه الأسباب لن يستقيم حال الفن وفق ما جاء في التدوينة التالية التي نشرها الفنان مقداد السهيلي، مساء اليوم الأربعاء 28 فيفري على حسابه بصفحات التواصل الإجتماعي :
“سامحوني ياخي إلى متى هالمخرطانية وهالإستسهال!! علاش كل حد يفشل في حياتو وإلايطردوه مالقراية يرمي روحو عالفن ! راهم كثروا برشة… في التلافز… في الاذاعات… في القاعات.. في العروسات… في المهرجانات… اربعة جبايب وزوز بنادر وكانون.. عرض صوفي.. كسوة كحلة وسبادري.. وان مان شو … لحية مسيبة وشعر مشدود باللاستيك عندي غناية… والعين الصحيحة… واللسان الطويل… علاش مافمة حتى حد لبس طبلية بيضة وحط إسمو على بلاكة… طبيب… تفيق بيه عمادة الأطباء… يشبع حبس… إنتحال صفة… خطر كبير… جريمة كبيرة… علاش كان الفن.. بهيم قصير… إركب لاتمنك… مالشارع للركح… للتلفزة… للراديو… للمسلسل… للفيلم… راو ميدان القرد يربط والفار يحل… رانا قعدنا ضحكة… راو في العالم أجمع أهل الميدان الفني مراتب… المعلم… والصانع… والاستاذ… والتلميذ… والمتربص… إلا هنا… العزري أقوى من سيدو… ومادام الحال هكة… ماتقوملناش قايمة إلى قيام الساعة… خسارة كنا انجموا نكونوا خير من هكة… أما توة فات الفوت… ومات الحوت… اللهم كان تصير معجزة !”
شارك رأيك