مؤكدا على استجابة زملائه لدعوة الهيئة الوطنية للمحامين للحضور للجلسة العامة الاستثنائية يوم الجمعة 1 ماي 2026، نشر الأستاذ نافع العريبي ما يلي على صفحات التواصل الإجتماعي:
“غدوة غرة ماي موش جلسة عامة عادية غدوة اختبار حقيقي للمحاماة:
يا إما نحضروا ونقولوا إن المهنة مازالت حية يا إما نتركوا السلطة المتسلطة تقرر مصيرنا في غيابنا…. وقتلي تحط يدها على الجدول وقتها انسى “المحاماة مهنة حرة مستقلة” …..وقتها تولي موظف في المحكمة من غير شهرية!!!
المحاماة اليوم تخدم وسط قضاء خائف حركة قضائية معطلة مجلس قضاء مجمد وأحكام جاهزة في ملفات الرأي والسياسة وحتى في المدني والتجاري خلطلو الطش واصبحت طلبات البنوك العمومية في اداء المال بمثابة بطاقات الالزام!!
نحضروا باش نقولوا للناس بوضوح ان المحامي لا يدافع عن الجريمة !! المحامي يدافع عن الإنسان وقت تسحقه السلطة.
يدافع عن الضعيف عن قرينة البراءة وعن الحق في محاكمة عادلة.
الغياب غدوة موش حياد الغياب تخلي….. جنود الدفاع لا يتخلون!
موعدنا غدوة على الساعة 10 بنزل تونس الكبير، المنزه 7.
الحضور واجب مهني وأخلاقي…الحضور مسؤولية وليكن رسالة الحرية والكرامة !!
شكرا”.
شارك رأيك