أعلن صالح الماجري اليوم عن استقالته من المكتب الجامعي لكرة السلة، خبر أثار جدلا كبيرا على صفحات التواصل الإجتماعي.
الإعلامية و الرياضية عايدة عرب تكتب بأسلوبها و بالدارجة التونسية التدوينة التالية عن الحدث:
“مساء الخير شابات، شباب، كهول و مسنين؛
استقالة صالح الماجري من جامعة السلة ل”أسباب صحية و شخصية” على حد قوله. تأكد للرأي العام الرياضي و الرأي العام، انو المنظومة الرياضية متاعنا ما يقعدوش فيها الكفاءات و إلّي قادرين يقدمو الإضافة و إلّي عندهم باع و ذراع في الرياضة إلّي مثلّوها على اعلى مستوى و حبو يخدموها من باب المسؤوليه و عندهم مشروع كبير لتطوير الرياضة إلّي يعشقوها حد النُخاع، و صالح الماجري من الناس هاذوما…
لأنو صالح الماجري ما اختارش يدخل للجامعة باش يربح شهرة و لا سفاريات و لا منصب و لا اعتراف و لا تشريف، خاطر هاذم الكل عندو و كسبهم في الأربعة قارات إلّي لعب فيهم، و الاحترام و الاعتراف يحضى بهم على مستوى دولي موش فقط وطني.
مع العلم انو رياضيا، احسن لاعب كرة سلة عرفتو تونس ملّي بدأت اللعبة هاذي تتلعب في بلادنا و الاحقية هاذي تتقاس بالإنجازات و الجمعيات إلّي لعب فيهم كيف خرج من تونس و يكفي أننا نحكيو على الريال مدريد و ال NBA!
هو ايضاً ضمن نخبة الرياضيين عموما؛ التوانسة و الأفارقة!
مع كل اسف، النوعية هاذي موش مطلوبة و ما عادش منها برشة و حتى الشوية إلّي ما زال عندهم أمل في الإصلاح، يتصدمو بالواقع و ينسحبوا في هدوء تام!
على رأي ناس بكري؛ اعطيوني قرطلتّي و ما حاجتي بعنب!
شارك رأيك