*بقلم المهندس البيئي حمدي حشاد(تقرير بالدارجة التونسية)
“شنو اللي قاعد يصير في أوروبا؟ الظاهر اللي احنا قدام مرحلة مناخية استثنائية يمكن ما صارلهاش مثيل في تاريخ الرصد الجوي الحديث.
“أوروبا الغربية مازالت ما لحقتش تخرج من موجة الحر الحالية، لكن الخرائط الجوية بدات من توا تورّي نوى حرارية قوية جدا باللونين البنفسجي والأبيض مع أواخر جويلية. يعني قبة حرارية جديدة في الطريق، والأخطر إنها ما باش تقتصرش على الغرب، بل باش تمتد حتى لوسط أوروبا.
“اللي يميز صيف السنة هاذي موش مجرد درجات حرارة قياسية، أما تعاقب القباب الحرارية الواحدة وراء الأخرى أوروبا عرفت موجات حر كبيرة في السابق، لكن باش تجي موجة قوية، وبعدها أخرى، وبعدها ثالثة في نفس الصيف، فهذا يعتبر حدث غير مسبوق.
“كنت قبل سميتها “Heat boomerang ”، واليوم الوصف هذا يفسر بالضبط اللي قاعد يصير كل ما تخرج أوروبا من موجة، تلقى روحها تدخل في موجة جديدة و زيدد الي إسبانيا وفرنسا يبقاو أكثر الدول المعرضة، والنماذج العددية توصل في بعض المناطق إلى 45 حتى 47 درجة، مع إمكانية تحطيم أرقام قياسية جديدة خلال القبة الحرارية الثالثة لهذا الصيف، والرابعة منذ بداية السنة.
“إذا بقات التوقعات الحالية مستقرة، فالذروة المنتظرة تكون بين 20 و25 جويلية.
وزيد على هذا، التربة في برشا مناطق ولات ناشفة برشا بعد تتابع موجات الحر، وهذا يخليها تسخن أسرع وما عادش تنجم تبرد الجو عبر التبخر. النتيجة هي إن درجات الحرارة على سطح الأرض تنجم تطلع بشكل أعنف من المرات السابقة.
التوقعات الحالية تشير إلى:
+ فرنسا، خاصة الجنوب الغربي والمناطق الداخلية، تنجم توصل بين 44 و47 درجة، وحتى باريس والشمال ممكن يقتربوا من 40 درجة. + إسبانيا تبقى في قلب الحدث، خاصة وادي الوادي الكبير والمناطق الداخلية، وين الحرارة قد تتراوح بين 45 و47 درجة. + إيطاليا تنجم تتجاوز فيها الحرارة 42 درجة في بعض الأودية، بينما جنوب ألمانيا قد يسجل بين 38 و40 درجة. لكن لازم نأكد على نقطة مهمة التوقعات هاذي مازالت تتعلق بفترة تفوق عشرة أيام، وبالتالي هي تعطي اتجاه عام أكثر من كونها أرقاما نهائية. قوة الموجة وتفاصيلها تنجم تتبدل مع تحديثات النماذج الجوية خلال الأيام الجاية، لذلك المتابعة اليومية تبقى ضرورية”. حمدي حشاد
شارك رأيك