ما أن علم اليوم بقرار استئناف صفاقس التي قضت في حق الإعلامي و الصحفي هيثم المكي بسنة سجنا، أعلن الأستاذ المحامي سامي بن غازي عبر صفحات التواصل الإجتماعي عن تضامنه مع الصديق والأخ الذي لم تلده أمه و متأسفا عن عجزه و عن ضعفه و ربما تقصيره و زملائه لتبرئته:
“باش نكتب “كل التضامن مع هيثم” ما عندهاش معنى، وحتى كان نقلك “يا خويا، إذا تستحقني راني موجود”، نحسها زايدة على الاخر.
هيثم المكي موش مجرد صاحب، ولا زميل، ولا معرفة… هيثم هو الخو اللي ما جابتوش أمي.
سنين واحنا مع بعضنا، في الحزن قبل الفرح، وفي الشدة قبل الراحة. كان حاضر في أكبر المحطات في حياتي. وقت نمرض نلقاه بحذايا، وقت نفرح هو من أوّل الناس اللي يباركولي، قسمنا أهم اللحظات مع بعضنا، كخوات وكصحاب وكشركاء في حلمة أنه تونس تكون خير..
سامحني يا خويا على عجزنا، وعلى تقصيرنا، وعلى ضعفنا.
في كل المراحل عاركنا، وطحنا، وقمنا من جديد… أما المرّة هاذي، ما نعرفش باش نجمو نطيحو ونقومو ونكملو كيف العادة ولا لا.
بلاصتك كبيرة برشة في قلوب صحابك، وفي قلوب الناس الكل اللي تحبك. وربّي يحفظك وشدة وتزول يا خويا”.
شارك رأيك