جزاء الشريف: “نحمّل السلطة المسؤولية الكاملة على سلامة والدتي شيماء”

نشر جزاء الشريف ابن المعتقلة السياسية شيماء عيسى مساء اليوم السبت 21 فيفري التدوينة التالية و روى من خلالها الوضع الصحي للمعتقلة السياسية المعتقلة منذ قرابة العام في السجن من حكم ب20 عاما سجنا في القضية المعروفة بالتآمر و هي في اضراب جوع منذ الأسبوع الماضي:

“أصعب إحساس هو إنك تتفرّج وما تنجم تعمل شيء. إحساس العجز. وهذا بالضبط اللي نحسّ فيه توّة.

“كي نفكّر اللي والدتي عندها قريب أسبوع مضربة عن الطعام، ما كلات شيء، والله أعلم شنوة أحوالها وشنوة وضعها الصحي، وهل هي تتلقى في الرعاية الطبية اللازمة ولا لا، و ما ننجم نعمل شيء… ما نحسّ كان بالعجز !!

“وقت اللي كنّا نسمعوا بمعتقل يدخل في إضراب جوع، ونتناقشوا في الموضوع، كانت شيماء تقلي ديما إنّ إضراب الجوع هو أقصى أشكال الاحتجاج اللي ينجم يلجأ لها المناضل. خاطر يوصل فيها الإنسان لمرحلة ما عاد عندو فيها حتى وسيلة باش يعبّر على رفضه وعلى الظلم اللي يتعرّضله، كان جسده !

“هي طريقة باش توصل صوتك، باش تذكّر الناس اللي فما عباد مازالت مسلوبة منها حريّتها، عباد سنوات ما شافتش عايلاتها، ومازالت محرومة من أبسط حقوقها، فقط على خاطر مواقفها وقناعاتها.

“نعرف الي والدتي قوية و تنجم تصمد ، لكن نعرف زادا الي صحتها ما تتحملش، و لهذا نحمّل السلطة المسؤولية الكاملة على سلامة والدتي، وعلى أي ضرر أو تدهور صحي ممكن يمسّها !!

وباسمي وباسم العايلة، نحب نشكر كل عايلات المعتقلين، وكل الناس الأحرار والمنظمات اللي ساندتنا و وصلت صوت الأيقونة !”.

شارك رأيك

Your email address will not be published.