هذا الفيدو الذي يتداواه بقوة رواد صفحات التواصل الاجتماعي مقزز. من لم يره! ترى تلميذا ساخرا من أستاذه، و التلاميذ “سعداء، يضحكون…. الاستاذ صامت.
نقابة التعليم الأساسي تعلق مساء اليوم الاثنين 15 نوفمبر 2021:
“استياء مما يقوم به بضعة تلاميذ من المارقين ️ فيديو مخل بالحياء يبين إهانة الزميل في معهد خاص من بارحة الاولى يدور في الفاييبوك ما حبيتش نبارتاجيه حفظا لكرامة الزميل …
و بالمناسبة و ما نحبش نعمم لكن برشا تلامذة في البريفي يحسسوك الي هوما يخلّصو فيك أو تخدم عند بوهم ! .. الحاصيلو ما يلزك عالمرّ كان الي امر منّو ، هذاكة علاش اصلاح التعليم يمر عبر تحسين الوضع المادي للاستاذ ، ما ينجمش الاستاذ يكون قدوة للتلميذ اذا كان التلميذ يعتبر مهنة الاستاذ عنوان الفشل و الفقر و ما تتماشاش مع طموحاتو … اسئلو صغاركم قولولهم تحبوشي تطلعو اساتذة و معلمين هاو تو يجاوبوكم …! و الا اسئل روحك انت كولي تحبش ولدك يطلع معلم او استاذ ..؟؟ انا نعرف الاجابة و من غير نفاق : تحبو يطلع طبيب او مهندس او يخدم في بانكا او في التيليكوم او في احد الصناديق الاجتماعية او كادر كبير في الداخلية او الجيش … ما تفكرش فيها مهنة الاستاذ !!! في المقابل الجيل السابق يحلم بيها كمهنة و كمركز اجتماعي !!!”.
شارك رأيك