حول احتجاجات و اعتصامات أهالي منزل بوزلفة الرافضين قطعيا تركيز مصنع للذباب الأسود و وفاة أحدهم مساء أمس ليحتد الخطاب و يتم حرق المصنع، كتب الدكتور ماهر العباسي ما يلي حول المسألة:
“مصانع الذباب الأسود هي حاجة موجودة في العديد من الدول المتقدمة كيما الدنمارك و هولاندا و أمريكا و فرنسا .
المبدأ متاعها ساهل ياسر ….. استعمال الفضلات المنزلية ( الزبلة ) كغذاء لليرقات متاع الذباب الاسود و بعد تحويلهم لعلفة للحيوانات خاطر فيهم بروتينيات …. يعني تضرب عصفورين بحجر واحد … تثمن الزبلة و تصنع علفة للحيوانات …. اذا كفكرة هي حاجة ممتازة جدا و تعطي زوز حلول لزوز مشاكل كبار ياسر تعاني منهم تونس .
باهي وين المشكل ؟
المشكل انو المصانع هذي يلزمهم بنية تحتية و مراقبة صارمة لانهم يكدسو الزبلة و يستعملو الماء و ممكن تصير روايح و تلوث .
في منزل بوزلفة حطو المصنع بحذا سبيطار و مدرسة و هذا طبعا حاجة غير مقبولة ؟؟ شكون عطا الموافقة على البقعة هذيكة ؟؟
باهي كيف الاهالي احتجو … تسكر المصنع ؟ لا … صارت عملية تفقد و مراقبة للتمشي الكامل متاع انشاء المصنع ؟ الله اعلم … قالو راو فمة قرار سيادي قال ما يتحل المصنع الا بموافقة الاهالي …. هنا سأصمت قليلا خاطر ….. نسكت خير
يخرج الاهالي و اصحاب المصنع وجها لوجه و طبعا صارت الكارثة توفى مواطن الله يرحمو و يصبر عايلتو و تحرق المصنع …..
شكون العقل الي يسيّر في الامور بالطريقة هذي ؟؟ و علاش البلاد ولات هكة ؟؟؟
لا أمل”.
شارك رأيك