“النوع اللي نشوفوه برشة هو Rhizostoma pulmo، وهو نوع من الحريقة موجود طبيعيا في البحر الأبيض المتوسط وفي المياه التونسية، يعني موش نوع دخيل و الى غريب و الى ظهر فجأة عندنا لكن السؤال الحقيقي هو علاش ولينا نشوفوه بالكثافة والتواتر هذا؟
“جزء مهم من الإجابة موجود في ارتفاع سخانة البحر و البحر الأبيض المتوسط قاعد يسخن و وصل الارتفاع متع درجات الحرارة الى مستوى 8 درجات اعلى من المستويات الطبيعية خلال يوم 5 أوت 2026 ، وموجات الحر البحرية ولات أكثر تواترا وشدة، وارتفاع حرارة المياه ينجم يخلق ظروف أكثر ملاءمة لمراحل النمو والتكاثر متاع الحريقة ويطوّل الموسم اللي تنجم تظهر فيه و في خليج قابس مثلا، المياه الضحلة والدافئة والإنتاجية البيولوجية العالية تخلي المنطقة أصلا بيئة مناسبة لـ Rhizostoma pulmo و زيد مع الاحترار المتواصل للمتوسط، الظروف الملائمة تنجم تستمر لفترة أطول من السنة.
“لكن الحرارة وحدها ما تفسرش كل شيء ارتفاع كميات الملوثات والمواد العضوية والمغذيات اللي توصل للمناطق الساحلية نتيجة لتلوث و تصريف مياه المعالجة في البحر ينجم يسبب ظاهرة الإثراء الغذائي أو Eutrophication ويغيّر تركيبة العوالق والشبكة الغذائية البحرية في بعض المناطق، و هذا بالطبيعة يوفر ظروفا وغذاء أكثر ملاءمة للحريقة.
“ينزاد لهذا الكل الضغط على الثروة السمكية وتغير التوازنات داخل النظام البيئي و القضاء على جزء كبير من المفترسات الطبيعية للحريقة ، و زيد تجي الرياح والتيارات البحرية لتجمع أعدادا كبيرة منها وتدفعها نحو الساحل، فنلقاو في ساعات شاطئ كامل فيه كثافة كبيرة.
و الحريقة في حد ذاتها موش ضيفة جديدة على بحارنا ولا على الكوكب أسلاف الحريقة موجودين على الأرض من أكثر من 500 مليون سنة، يعني قبل ظهور الديناصورات بمئات ملايين السنين كائن قديم جدا و عندو قدرة خيالية و رهيبة على التأقلم و عرف كيفاش يسافر بنجاح مع تحولات كبرى في المناخ والمحيطات، واليوم التغيرات السريعة في حرارة البحر وظروفه البيئية تنجم تعطيه، في بعض المناطق والفترات، ظروف أكثر ملاءمة للانتشار والتكاثر.
“مازلت نتذكر عنوان متع مقال قريتو 4 سنين لتالي في مجلة Nature و هو يلخص تقريبا كل شي ( The era of Oceans Jellyfication) و ترجمتها للعربي عصر سيادة الحريقة على المحيطات”.

*حمدي حشاد

ظهرت المقالة حمدي حشاد يكتب عن أسباب هجوم الحريقة بصفة مكثفة على شواطئ تونس أولاً على أنباء تونس.

في تصريحه اليوم السبت 18 جويلية لإذاعة موزاييك، أكد سامي مهني مهندس رئيس في علوم البحار ورئيس جمعية حوتيات أن قناديل البحر المعروفة بإسم “الحريقة“ قد غزت هذه الصائفة جميع السواحل التونسية من بنزرت وصولا إلى جربة ما عدى شريط ساحلي صغير يربط طبرقة ببنزرت.

و أوضح سامي مهني أنه تم حتى الآن تعداد 60 نوعاً من قناديل البحر موضحاً أن العدد مرجح للإرتفاع بإعتبار أن السفن التجارية قد تحمل معها أنواعاً جديدة قديمة من بحار بعيدة. و حول أسباب تفشي هذه الظاهرة، بين أن ثلاث عوامل رئيسية أدت إلى ذلك وهي الصيد البحري الجائر و بالخصوص سمكة التونة و سلاحف البحر، و إرتفاع درجات حرارة المياه و كذلك إرتفاع درجات التلوث في البحر.

و حذر سامي مهني من إستعمال أية مواد تحتوي على الكحول أو حتى المياه العذبة عند التعرض إلى لسعة الحريقة، مبيناً أن أفضل طريقة هي إستعمال الرمال أو مادة الخل أو مياه البحر الساخنة في الحالات القصوى لتخفيف الآلام.

ظهرت المقالة خبير في علوم البحار: هذه أسباب غزو “الحريقة” للشواطئ التونسية، و هذا ما يجب فعله عند الإصابة بلسعتها أولاً على أنباء تونس.