عاد مهدي غزاي الخبير في الاتصال لتحليل الخطاب السياسي، اليوم الخميس 1 أفريل 2021 على ما صرح به وزير الصحة فوزي مهدي بعد الحملة التي شنها المواطنون أمس الاربعاء على اثر تمكين تلقيح شباب على حساب المرضى و المسنين، و دعا النائب ياسين العياري من جهته، الى معاقبة كل مسؤول شارك في التلاعب بالمعلومات. و اعتبر غزاي ان خطاب الوزير جاء في قالب تلطيف التعبير و هذا خطير. و في ما يلي التحليل الذي نشره غزاي على صفحات التواصل الإجتماعي:

“تحليل خطاب وزير الصحة سي Faouzi Mehdi و إجابتو على فضائح التلاقيح :

سي فوزي مهدي قالك إلي صارو بعض #التجاوزات و #الإخلالات…..تجاوزات و إخلالات.

هاذه تقنية تتسمى بال-Euphémisme وهو ما يسما #بتلطيف #التعبير أو تنميق الكلام . شنوا هذا “تلطيف التعبير” ؟

تلطيف التعبير يكون باستخدام كلمة أو جملة محل أخرى، إذ يعتقد أن الأخرى #جارحة.

سي فوزي مهدي قالك معناها إلي #مضيفة تعمل تلقيح قبل أمك مجرد تجاوز. #إنستخراموز تعمل تلقيح قبل واحد يتعامل مباشرة مع مرضى كوفيد مجرد إخلال.

شنوا #المشكلة توا كي نستعملو تقنية خطاب ال-Euphémisme ؟

المشكلة انو إنتي كي تلطف عباراتك في ضل سياسة الدبلوماسية السخيفة (لا ما نلومش عليهم مساكن) ، المشكلة انو تولي تحد من خطورة الوضع ، وكي تحد من #خطورة الوضع ، تحد وتقلص من حالة #الطوارء و-Donc ، تقلص من #الإجابة #السياسية إلي الحكومة لازم تتخذها !!

ولذا ردو بالنا من تلطيف التعبير ، ونسميو #الأشياء بأسمائها، على خاطر التلاعب بال”#كلمات” ، يؤدي مباشرةً الى التلاعب ب”#التفكير” !

مع الأسف يصيرو اخلالات و تجاوزات ، مع الأسف ! donc #لاباس مهيش حاجة خطيرة بش الحكومة تضيع فيها #وقتها !

كيما العادة في ها البلاد : بوس خوك ماصار شي و ما يتحاسب حد و نقعدو من جريمة إلى اخرى في حق البلاد و الشعب هذا.

هات نحلو مشاكلنا في عوض نخبيوها !

النائب Yassine Ayari طلب بمعاقبة كل مسؤول سهل عملية التلاعب و كل واحد كذب في المعلومات إلي قدمهم، عقوبة توصل إلى 10 سنين سجن ( و لا السجن حكر على الزواولة إلي تكيفو في ملعب مهجور في الكاف ؟ ).

يا Yassine Ayari أنا نقول السجن ما يكفيش. لعباد هذي تمثل كل ما نكره في تونس : الأنانية و الإنتهازية و الخمج و الفساد : السجن ما يكفيش. التخلي على الجنسية تصلح بيهم أكثر.

( و إلي يقولو حقد طبقي عاملين فيها كول ، نذكركم إلي في زمن العبودية ، كانو فما افارقة سود يبيعو في عبيد افارقة للرجل الأبيض ، انتوما ما تختلفوش عليهم برشا ) . #سلطة_الحوار”.

ظهرت المقالة الخبير مهدي غزاي حول رد وزير الصحة بخصوص فضائح التلاقيح ب”مع الأسف يصيروا اخلالات” أولاً على أنباء تونس.