بقلم سهام بن عبيد

هل أن الأمن حين يمارس العنف على المتظاهرين الرافضين لمشروع دستور قيس سعيد و يستعمل شتى درجات العنف و القمع و شتى وسائله المباحة و غير المباحة، هل   يمثل هذا أي شيء للحكومة مثلا ؟

أم أن المواطن و مشاغله و شؤونه، الاقتصادية و الاجتماعية و الأسرية و الصحية و الثقافية و الرياضية ووو… لا تتأثر و لا يوجد أي ترابط و أي علاقة من أي نوع بين هذا و ذاك ؟

أي انه يمكن ان نحاصر مجموعات مواطنين و نعنفهم و نخنقهم بالغاز و نوقف منهم من نوقف و نعربد و نفعل ما يحلو لنا بهم، و تستمر الحكومة في أعمالها اليومية العادية و بلاغاتها و إعلامها و تستمر الحياة ؟ و تستمر الصور و الابتسامات. و تستمر العبارات من نوع : مستقبل البلاد و الإنجازات و المشاريع و الاكتفاء و خطط العمل و الأهداف و المعاهدات. و تستمر السياسات و السياسات الخارجية و الدبلوماسية و و و…

هل كل هذا اللغط و المسار السياسي و مسألة الاستفتاء و عدم حياد المؤسسات و الإعلام الوطني، و كل هذا الخطر على الدولة و هذا الانفراد بالحكم و بتقرير مصير البلاد… أليس لكم فيه ما تقولون و ما تعبرون ؟! هل انتم في تونس ؟

باحثة.

ظهرت المقالة هل تعيش الحكومة التونسية في تونس و تهتم بمشاغل التونسيين حقا ؟  أولاً على أنباء تونس.

في النص التالي المكتوب باللهجة الدارجة التونسية الكاتبة تسخر بمرارة من مظاهر التخلف الفكري و الفوضى الاجتماعية وانخراط الساسة و المسؤولين في مسايرة فجة للجهل المتفشي في المجتمع التونسي و المتسلح أحيانا بالدين في أتفه أشكاله من صلاة استسقاء و آذان بالأبواق التي تصم الآذان و تدمر الأعصاب في كل أوقات النهار…

بقلم سهام بن عبيد *

يعطيها الصحة الدولة التونسية وقت حبا في الانسان و المواطن تقيمو نهارة أحد الثمنية متاع الصباح بالأبواق العملاقة تفلق في راسو… قال شنوة صلاة استسقاء !

محلاه وقت في 2021 الدول تحارب تغيرات المناخ و الجفاف بالضوضاء و الضجيج إلي تفرضهم على الناس، نهار راحتهم، كبار و صغار !

محلاها سلطتنا و حكومتنا و رئاستنا و خاصة وزارة ديننا !

دكتور ! فاش … يطلب من ربي بش المطر تصب!

أنا نحشم على روحي كان نعملها ! و لا حتى كيف يجبروني عليها !

احشموا على رواحكم من التخلف و الجهل.

يزيوا بلاكم على الشعب التاعب مدقدق من غير شيء.

شعب مريض، جيعان، عريان فقير، محطم… زيدو عليه أبواق و حس و ديسيبال !

يمشي يعمل انتحار جماعي.

يمشي يهج منها، يخليها خراب للجهلة.

لا كان صبت مطر… و هي قاعدة تصب في الجهة متاعي… من غير صلاة! أحنا الزواولة آش بش يجينا منها؟

أسوام القمح و الشعير و الماكلة بش ترخص ؟

و الله كي تصير فيضانات.

يا ناس، فمة حاجة إسمها علم. فمة حاجة إسمها علم.

فمة حاجة إسمها منطق.

فمة حاجة إسمها احترام الإنسان و احترام المواطن.

فمة حاجة إسمها حق العيش في بلادك.

مكمش وحدكم في جهلكم و في فوضاكم.

يا ناس البطال بايت مهموم، لا تنفعو صلاتكم و لا أبواقكم !

و الي يخدم، بايت تاعب يحب يرقد و يرتاح!

يا ناس فيقو من التفاهات و الخزعبلات.

راهو برشة هكة.

يا ناس راكم بش تمرضوا. راهي صغاركم مرضت و بش تزيد تمرض.

راهي آذانا الكل تهلكت من المضخمات الصوتية و أغلبنا عندو فقدان سمعي، كلي أو جزئي.

راهي أعصابنا تهلكت. راهي أمراض الأعصاب زادت و بش تزيد. راهي أمراض التوحد و الاضطرابات العصبية قاعدة تاكل فينا.

رانا ولينا عايشين ناقصين نوم و راحة، و زيد الأرق و فقدان النوم من وراء الحس و التلوثات من هذه المنبهات.

و ولى الصغير ما عادش ينجم يركز و يقرى و الكبير كيف كيف. حياتنا، قرايتنا، أعمالنا… كلها قاعدة تضيع…

راهو أمراض القلب زادت، شطر تونس بيها، حتى الصغار في العمر. و الحس العالي و الصادم يعمل مرض القلب.

راهي الصحة الانجابية تتأثر و يولي عند الإنسان عقم من الحس و الصوت العالي.

يا سلط !

تسكت جامع، الجامع الآخر حاطط حس. في كل الأحوال، ماكش هارب مالحس.

الواحد عايش على أعصابو، قريب يعمل جلطة في كل وقت إذا نا عملتهاش فعلا حقا.

أنا إنسانة مواطنة، نحارب في ماكينة مصددة، عقول تغلفت بالتفاهة و الجهل و المقدس و لم تعد تتساءل و لا تحتج و لا ترى عوجا في أي شيء…

أنا إنسانة أصبحت صحتي ضعيفة و متعبة…

إنني أتهمكم كسلط بالتهاون و التلاعب بصحتنا جميعا.

إنني أتهمكم بالميل تجاه الجهل و الروحانيات و الشعبوية على حساب العلم و العقل و المنطق و على حساب كل ما هو سليم و صح.

إنني أتهمكم باستعمال هذه النعرات و تغذيتها و أدامتها لاستعمالها في حالات الحاجة و لمواصلة الاعتماد على غياب العقل و المطالبة و المساءلة من المواطن و من الشعب.

إنني أتهمكم بالجبن و التخلي عن أدواركم في حماية الإنسان من مخاطر الصوت و الضجيج.

إنني أتهمكم بالاصطفاف مع الجهل الضار في مواجهة العقل المستنير.

يعطيها الصحة الدولة التونسية إلي وقت المواطن يقوللها جيعان و مريض و ما عنديش خدمة و ما عنديش حياة و معارفي قاعدة تضيع و علمي و عمري ووو… تقلو هاو الدين هاو القران شيخ…

وقت تشكي و تنبه و تحتج على الأصوات العالية الي خارجة مالجوامع تقوم زايدتك نهار الأحد بونيس.

خاطرك مرتاح عالآخر.

خاطرك في أحسن حال.

خاطرنا فاضت علينا الحقوق و الحريات و أنواع الرفاهيات و الراحة و الصحة.

حتى ربي ماهوش فاهمكم و فاهم جهلكم.

ياخي الصلاة و الدعاء ما يجي كان بالأبواق و الأصوات العالية الي تدمر حياتنا ؟

ياخي كيفاش كانو عاملين قبل الأبواق و المضخمات ؟

ياخي ما كانوش يدعو و يصلو ؟

ياخي شنوة علاقة المطر و المناخ… بالصلاة.. بالأصوات العالية ؟

ياخي فيقوا… أخرجوا من ظلمات الجهل.

البلدان تدرس و تخدم و مجندة علماء و مهندسين أمخاخهم محلولة متفتحة.

و بنات مراكز بحث و مراكز قرار و دراسات و استعداد لكل الظواهر و المتغيرات…

البلدان تبني الباراجات و الخزانات و تعالج الماء و تصفي و تراقب و تحلل.

البلدان تتكلم علم و تقنيات و بحوث و تصورات و حلول.

البلدان تعمل في خطط في التصرف في الماء و تحافظ على الماء و تعمل في علاقات و دبلوماسيات حول الماء، إلخ.

البلدان علماءها منكبة تبحث و تبتكر. و فلاحتها يصلحو و يرجعو في الطبيعة و في التوازن… يزرعو و يشجرو… يوقفو في التلوث ماء و بحر و هواء.

يحاربو في الاحتباس الحراري.

يراجعو في أنفسهم و سياساتهم في الطاقة و في الاستهلاك و في العادات اليومية و غيرها.

يسكرو في الصناعات الملوثة، يبدلو، يغيرو، الاستخراج الطاقي يغيرو يطورو…

العلم… العقل… و لا شيء غير ذلك.

أحنا دولتنا بكوادرها و وزاراتها و مسهوليها… تدعي و تصلي … و تزيد تضر في صحتي و صحتكم الكل.

أحنا، لأنهم بلا أفكار و لا حلول علمية، و لا تكوين يرتكز على العلم و لا توجه نحوه… ما عندهم من تصور و حلول إزاء قضايا المناخ و الجفاف و الماء… إلا التفاهة و الروحانيات و الحلول الماورائية الخارجة عن نطاقنا… و زيد يضيفو أنو إذا ما جاتش المطر، راهو غاضب علينا….

يزيدو حتى في الحلول الهزلية و الشعبوية و غير العلمية، يزيدو يقرنوهالك بفكرة “الاخلاقوية” و معهم و مع مجتمع متجمد متحنط لا يتجدد و لا ينصلح حقيقة بالمعنى التطور و العلم…

يعني، علة فوق علة، خور فوق خور…

لا يكفي اللجوء إلى الإيهام بالحلول و المعالجات، و اللجوء إلى الجوانب المبهمة و الميتافيزيقية، و الابتعاد عن العقل و بذل الجهد في الدراسة و إيجاد حلول حقيقية… و التنصل بهذا من المسؤوليات، و هي كبرى…

و زيد، تكون انت المواطن، ضحية أولى، راحتك، صحتك، حياتك قاعدة تتدمر شيئا فشيئا…

ثم، نضيف إلى هذا كله، أفكارا و نزعات و اتهامات و نربط الحقائق و الظواهر العلمية كالمطر و المناخ، كما فعل مع الوباء كوفيد، بتلك المقولات حول الأخلاق و الممارسات و مصطلحات المعصيات و الذنوب إلخ… لمزيد إحكام القبضة على العقول الضعيفة أصلا.

على فكرة، المطر آش حضرتولها ؟

في العاصمة و المدن، آش فمة ؟

مترو يتوقف مع مطرة 1مم، سكك تغرق، حافلات تتوقف و تغرق، تاكسيات ما عادش تدور لأنها تغرق و تتضرر، مواطنين تتكدس فوق بعضها، في الشوارع و المحطات و المساحات، تجري كلها خايفة لا تغرق و لا تلقى باش تروح، ناس تتعفس، ناس تضربها مشي عالساقين كلمترات، ناس تتبل، ناس تمرض… و حفر ! بالطبيعة، حفر و بالوعات و ناسورات، الي تتسكر و ما تعديش الماء و الي تكون محلولة و تولي عبارة شفاطة تنجم تجبد إنسان بكلو، و الي مكسرة غطاها و تهدد، و الي يحلوها بش الماء يتعدى و تقعد هكك خطر عالناس و الحيوان، و الي تولي نافورة، تسيب من عندها ماء و سواد و قمم، و الي والي والي…

و الضوء، يا يتقص، يا يقصوه، يا يولي يضرب، الضوء في الشوارع. أما في الديار، يا يقص يا يقص و يرجع، هو و كيفو…

و الماء الي نشريو فيه هو بطبيعتو شبه ماء، كيف تزيد عليه قنوات الصرف تتحل و تتسيب… الله أعلم، حتى حد ما عمل التجربة و ثبت !

تي ماهي تونس الكل تلقى روحها بحيرات و أودية و بحار… حوم تغرق… شوارع تتسكر… ساحات كانلة تتعبى ماء… تي ما هي على ما فمة شيء، تولي فيضانات… و طرقات مسكرة و ناس عالقة، و فمة الي تهزو المياه و الوديان الفايضة…

معناها، العقل و المنطق، يقول أنو تقيمنا الناس في قلب تونس مثلا، صبحية أحد، أربعة أبواق اقله، محطوطة عالإخر، إذا مش أكثر، و أعلى درجات ممكنة… بش المطر تصب، بش بلاد تتسكر مثلا!!

تي ماي بعض الجهات هنا و هنا، مازال فيها طرف فلاحة!

و إلا من باب التضامن ؟!

و هاك الفلاحة و الفلاحة، عاد ماكانش خير لو كان اهتمينا بيهم، بالمطر و الا بلاش ؟!

الي عندو قرض و مغصور، و الي مش لاقي ماء، و الي الماء غالي، والي صابتو مرضت، والي البذور لقاها مريضة و فاسدة و تكوكب، والي حيوانو جاع و الا مرض، و ما لقاش بيها، و الي محصولو ما لقاش كيفاش يبيعو و الي يحبو يشرو منو بالخسارة و ما يربح شيء؟!

مش كان، حلينا مشاكل الفلاحة بالحق، خير من ندعو و نصلو عالمطر ؟؟!!!

ياخي حليتو الطرقات، بنيتو خزانات، سيلوات، طاحونات جديدة، ماكينات، شريتو، صلحتو، بدلتو ؟! شريتو كوامن، فاقونات، سكك حديد، عملتو قناطر، حميتو مالوديان و الفيضانات ؟ جبتو غبار، أسمدة، كثرتو البذور، كونتو الناس و الفلاحة؟ داويتو، عالجتو النبات، خليتو المخابر و خليتو الناس و العلماء تخدم ؟!

آش حضرتلها المطر، عند الفلاحة ؟!

بش عاونتهم؟ ياخي ريتهم حاجتهم بالمطر ؟! و الا كان بالمطر ؟!

و الا خاطر الدعاء و الصلاة ساهلة ما فيها شيء ما تتطلب شيء… أما الحلول و الخدمة و الإصلاح و المصارحة و التغيير و المخاسبة و الحقيقة… تتطلب و لازمها خدمة و عمل و علم ؟!

فننشيو للحل الساهل و أخطى راسي و اضرب !

ياخي، كيف صبت الأمطار و جات الصابات أحنا وصللنا حاجة ؟!

كلينا حاجة ؟! لقينا قمح و شعير و شبعنا و هزينا صختنا ؟!

ياخي وقت جات صابة، تهز المحصول و تلم و تحفظ و توزع عالناس و كلينا ؟!

ياخي جاء المحصول، و كيف تحرق كلو… عرفنا الفاعل و حاسبنا و عوضنا الفلاح، و وكلنا الناس ؟!

و المطر في الأرياف و في الجبولات و في الغابات، آش حضرتولها ؟!

صلحتو كياسات، قويتوها ؟! جرفتو وديان و قنالات و زبل و فضلات ؟! دخلتو ضوء و إنارة و ماء و غاز ؟ حضرتو سبيطارات و دوايات ؟ و حضرتو معدات، جرافات، سيارات، نقل و حماية و إسعاف ؟ خدمتو طبة زدتو، و فرامل و ناس ؟! عديتو خيوط تلفون و انترنات؟ فمة حافلات، صلحتو مدارس و معاهد و بنايات ؟!

علاش المطر تحبوها ؟!

و علاش لازمنا نفيقو من نومنا و لازمنا مخاخنا تتضرر… و احنا أصلا جواعة و مرضى و مهدودين… علاش زيد غمضة النوم ما نخلطوش عليها؟!

تي تصب مطر و الا جفاف… مادام العقول مصددة مخززة، ما دام الجهل ضارب أطنابو، مادامت كلمة الحق ما تتقالش و ما تلقاش الي يسمعها… لا جفاف يفيد و لا مطر تنفعنا !

كم سنعاني أكثر !!

كم سنبقى في منطقة الجهل و اللاعقل !

ماذا سنحارب بعد و من في الدولة و من يحكم، هم ذاتهم، قادة الجهل و الخرافات و التشبث بالأفكار العقيمة و إدامة التخلف و ملما لا يخدم في شيء هاذا البلد.

متى سنتحرر ؟ متى يتحرر العقل لدينا ؟

متى نقدم المصلحة و مصلحة الإنسان على التفاهات و الأخطاء الجسيمة المرتكبة باسم الدين و العبادة ؟

متى سننفض غبار التخاريف و ننتقل إلى مراحل تنوير و علم و إيمان بالعلم، و عمل جاد فعلي، لإنقاذ بلادنا ؟

متى نطلب الاستعقال بداية و الاستعلام من العلم؟

يكون أفضل لينا كثيرا لو نربح علما و عقلا و تنويرا و لو بعض جفاف على ان تمطر يوما أو حتى سنة و نحن باقون على جهلنا و خرافاتنا و تفاهاتنا و أخطاءناا

فبالعلم و العقل نربح و ليس بالمطر الذي لم نع له شيئا…

* دكتورة في البيولوجيا الجزيئية.

ظهرت المقالة بماذا ستنفعنا صلوات الاستسقاء بالأبواق المدمرة للأعصاب ؟ أولاً على أنباء تونس.

هل سنظل إلى الأبد نتحمل الأصوات العالية المنبعثة من مضخمات الصوت التي تستعملها المساجد و الجوامع في كل أوقات النهار و حتى خلال ساعات الفجر ؟ هل يعقل أن نستمر هكذا، في الضجيج و الأصوات العالية و التسجيلات من كل الجهات، تقذف في أذاننا و تعتدي على حياتنا و على صحتنا و تفرغ يومنا من كل طاقة أو جهد أو عمل؟ و نبقى سلبيين أمام الضرر الحاصل لأطفالنا و راحتهم و صحتهم، و دراستهم و توازنهم؟  لأننا كلما تأخرنا في التحرك و إيقاف هذه الفوضى السمعية، إلا و خسرنا أكثر و أصبح الضرر أكبر. و سنرى مستقبلا، قريبا جدا، مدى فظاعة ما ارتكبناه جميعا في حق أنفسنا و في حق أطفالنا و الأجيال القادمة، على مستوى السمع و الذهن و الأعصاب و التكون و التوازن. و لن ينفع عندها لا دين و لا عبادة.

بقلم د. سهام ابن عبيد

أكتب مرة أخرى لانتقد و أشتكي و أنبه من ارتفاع درجات الصوت المستعملة من الجوامع. و أخص بالذكر منها جامع برج زوارة الذي يواصل رفع الآذان بصوت عال جدا و كذلك بث القرآن يوم الجمعة بدرجات صوتية غير معقولة. مما يسبب للمواطنين جميعا الأذى. و رغم كونه أصبح يقلل من استعمال بعض أنواع التسجيلات للآذان و عدم رفع الصوت كثيرا عند الفجر، مثلا، إلا أنه يظل يستعمل درجات صوت عالية جدا في أوقات أخرى و يستعمل أذانا مسجلا طويلا ممططا مزعجا و بصوت عال. كما يواصل استعمال المصدح لبث الصلوات و التلاوات المصاحبة لها، عندما يحلو له، أي تقريبا في كل الأوقات غير الإدارية. و يواصل خاصة بث القرآن، طيلة يوم الجمعة، مطولا و باستعمال المضخمات مسببا أذى و ضررا كبيرين، وسط صمت الأغلبية من السكان. و هذا أيضا خطأ  جسيم و فادح. لأن صحة الإنسان أهم من أي اعتبار أو ممارسة حتى و إن كانت تمت بالعقيدة، خاصة إذا ما كانت غير ملزمة و لا ضرورية و لا مجدية و لا منطقية و لا مقبولة عقلا و علما.

تمظهر و قشور و زيف و شكليات بعيدة عن جوهر العقيدة و الدين

إنني، و في المطلق و بعيدا عن ممارسات هذا الجامع بالذات، أنتقد و بشدة هذه التصرفات و هذه الثقافة التي أرى فيها مظاهر و تمظهر و قشور و زيف و شكليات، و بعيدة عن الجوهر و الروح و الهدف لأن العقيدة صامتة، فهي في القلب و رديفة الروح و العقل و لا فائدة للصراخ من أجل الإصداح بها.

لا ارى شخصيا أي منطق و أي نفع من تعمد بث القرآن أو حتى خطب الجمعة. فمن أراد عبادة فليقصد الجامع. و ليستمع هناك، و بصوت معتدل، منخفض، إلى تلاوة أو درس،  يتم سماعه فقط من مرتادي الجوامع و لا يفرض على الجميع من متساكنين بالجوار، أو حتى بعيدا، و من إدارات و من مدارس و جامعات و مستشفيات و غيرها من أماكن العمل و السكن، و يفرض على غيرها من الأنشطة و على الأشخاص و الجماعات.

إنه نوع من الإجبار و فرض الرأي و الممارسة. و هو إضرار بالغير. و هو أيضا هدر للطاقات و الأذهنة و العقول و الصحة.

الدين لا يفرض على الناس. و لا يجب أن تكون مهمة رجال الدين و نساؤه و أماكن العبادة فرض العبادات على الناس بقوة مضخمات الصوت. هذا لا يخدم الدين في شيء و خاصة لا يخدم حياتنا في شيء أن نتعرض كل يوم  جمعة لساعات من الأصوات العالية المتغالية من هنا و هناك، تضربنا بقوة، تسبب لنا الآلام و الصداع و القلق و انعدام الراحة و التعب الجسدي و العصبي و الهيجان و فقدان القدرة على العمل أو التركيز أو القيام بأي نشاط. إذ تصبح أي ممارسة أخرى مستحيلة و المحاولة ضرب من العبث و إهدار الطاقة.

إن هذه الثقافة المكرسة لممارسات مفرغة من أي معنى و أي جدوى، التي تركزت في بلادنا و نمتها ضعف المستويات العلمية و الأكاديمية و كذلك مستويات الوعي و الثقافة و التكون المتعدد، لدى المسؤولين عن الشأن الديني و أيضا القائمين به على الميدان.

ممارسات هي عنوان التسلط و الجبروت و الدكتاتورية و فرض لأمر الواقع

إنني شخصيا أصبحت أمقت هذا اليوم، الجمعة. و أمقت كل وقت صلاة و كل وقت آذان يقع الإعلان عنه بقوة مضخمات الصوت. و أمقت هذه الجوامع الكثيرة الضاجة. أصبحت كلها عنوان التسلط و الجبروت و الدكتاتورية و فرض الرأي و الممارسة و الأمر الواقع. و عدم الاستماع للرأي المخالف و للغة العقل و العلم و التحليل و التساؤل. و عنوان التعنت و الاستمرار في الأمر السيء الضار السلبي و في ممارسات عقيمة و عقلية متخلفة. و عدم الرجوع عنها حتى بعد أن يطلب ذلك بإلحاح و يقع التنبيه إليها. في نوع من السادية  المختلطة بالجهل. و عنوان تدين و تعبد “المظاهر”، لا يضع الإنسان في الاهتمام الأول و في الصدارة و في المركز. همها الممارسة نفسها و ليس الفائدة منها و لا مدى نفعها للبشر أو مضرتها. دين و تدين تحولا إلى مرتبة الممارسات الاجتماعية الجماعية، المفرغة من أي محتوى ديني حقيقي. بل هي أدوار اجتماعية و موازين قوى و سلطة سياسية، و مناسبات لقضاء مصالح و شؤون، و تمعش من مزايا و وضعيات مريحة، لا غير…

ذو هذه كلها أنتجت هذا المجتمع المتعب المنهك الضعيف السلبي المتباعد المتكاره المنفصم المنافق. مثلا، جموع غفيرة نراها تتسابق نحو الجوامع للدخول، خاصة أيام الجمعة، ليس أغلبها، لا هم لها إلا أن يراها الجميع و أن تتباهى ب”صلاتها” و “جمعتها” و… هي في طريقها، لا تكترث بذلك البائس المشرد و ذاك المريض و ذاك الجائع. و لا بتلك الحالة المورية للشوارع و الأنهج و الأحياء و الأرصفة، من أوساخ و قذارات و لا لكل من يعطل سير الناس و من يغلق المنافذ و من يفتك المعبد، الخ.

مظهر من مظاهر التدجين و التدين الفارغ الكاذب

أليست هذه مظاهر التدجين و التدين الفارغ الكاذب ؟ أليست هذه قشور الدين و مظاهره التي تصل إلى حد السلبية و المضرة، تماما. بينما نبتعد عن الروح و المعاني الحقيقية و عن الإنسانية. وهي أهم و أكبر من الدين و التدين.

ألا يكون الدين و العبادة بلا بهرج و ضوضاء و مظاهر و فوضى ؟ ألم يعد يكفي أن يقصد الفرد الجامع بهدوء متى شاء عبادة، و أن يجلس و يقرأ هو ذاته، كتابا، إن استطاع، أو ان يستمع لتلاوة شخص ما، إمام أو غيره، بصوت عادي معتدل و هادئ ؟ ألم يعد الصوت الإنساني و الجهد الفردي الخاص، و العبادة في نطاق فردي، شخصي، برغبة ذاتية و بنية لذلك، ألم تعد كافية ليتم دينكم و عباداتكم؟ أيجب إجبار الجميع، أيجب رفع الاصوات و الدرجات من الديسيبال؟ أيجب أن تشتغل المضخمات و تصبح الأحياء جميعها، غليانا متواصلا و ضوضاء فوق المطاق و المحتمل، لتشعروا أنكم مارستم عبادة و تقربتم إلى الله و أنه رضي عنكم و أنكم راضون عن أنفسكم ؟ ألا يكتمل دينكم و لا تكتمل عباداتكم إذا ما لم تضخموا و تكبروا الأصوات و تتمظهروا و تحدثوا الجلبة و الضجة و إذا ما فرضتم الشيء و الصوت و المشاركة (السلبية) على غيركم، غير عابئين به و برغبته و حاجته و خصوصيته و اختلافه، إلخ ؟! 

ألا تتساءلون، كيف كان الدين إذن و العبادة قبل المضخمات؟ و قبل المصادح؟ و قبل مكيفات الهواء و الراحة و الفخامة، على حساب جميع المواطنين و دافعي الضرائب و على حساب الأولويات الأخرى مثل الصحة و التعليم التي تركت جانبا ؟ أي اننا ندفع ضرائب، لتبنى جوامع، لتوضع مضخمات فوق رؤوسنا، لتتضرر أسماعنا و أعصابنا لتتدهور حياتنا و حياة أطفالنا و مستقبلهم… و ليس لنا أن نقول لا و أن نمنع هذا الأذى. لأن البعض يرى نفسه ربما خليفة الله هنا؟

أترون أننا في الألفية الثانية و في ال2021، نحتاج المضخمات و المصادح، لنعرف ميقات صلاة أو غيره ؟! أم إنها من باب فرض الشيء و التسلط و معركة القوة و إبرازها و احتلال فضاء و استقواء، لا أكثر ! و رمي عرض الحائط بالمنطق و العقل و الصح و السليم و المجدي ؟ذ

هل يعقل أن نستمر هكذا، و أن نخسر يوما من أيام الأسبوع، في الضجيج و الأصوات العالية و التسجيلات من كل الجهات، تقذف في أذاننا و تعتدي على حياتنا و على صحتنا و تفرغ يومنا من كل طاقة أو جهد أو عمل ؟ و أن نبقى سلبيين أمام الضرر الحاصل لأطفالنا و راحتهم و صحتهم، و دراستهم و توازنهم؟  لأننا كلما تأخرنا في التحرك و إيقاف هذه الفوضى السمعية، إلا و خسرنا أكثر و أصبح الضرر أكبر. و سنرى مستقبلا، قريبا جدا، مدى فظاعة ما ارتكبناه جميعا في حق أنفسنا و في حق أطفالنا و الأجيال القادمة، على مستوى السمع و الذهن و الأعصاب و التكون و التوازن. و لن ينفع عندها لا دين و لا عبادة.

فلننظر إلى العالم حولنا، إن هذه الممارسات و هذه القشور و الزيف أصبحت تميزنا، نحن المسلمون و العرب. لا نرى في بقية العالم مثل هكذا فوضى و مثل هكذا تعدي على الغير، لا من حيث الحرية و الحرية الدينية و لا من حيث الصحة و الحق فيها. أننا اصبحنا نتميز، اذن، بالتخلف و بالغباء و بالبعد عن المنطق و العقل و التشبث بالتفاهات و الممارسات الضارة.

من يريد دينا، لا يسمح أن تدمر عبادته حياة الآخرين و صحتهم. من يريد عبادة، لا يفرض على الغير تلك الأصوات و لا يقصف الأسماع عمدا و تعمدا. من يريد عبادة، لا يجب أن يقبل أن نضر بصغير أو رضيع أو طفل بمدرسته أو طالب علم بجامعته أو مريض بمستشفى أو بمواطن لا يقبل سمعه هذه الأصوات و هذه الأبواق. إنه زيف الأشياء. إنهم جميعا يؤدون أدوارا في مسرحيات. و ما أبعدهم عن الدين و ما أبعدهم عن الإنسانية.

ظهرت المقالة إلى متى مضخمات الصوت في الجوامع… و الجمعة الصاخبة ؟ أولاً على أنباء تونس.