بعد أن قيل انه في بلادنا منذ أيام على اثر استضافته من كريم الغربي شهر كادوريم، للترويج للسياحة التونسية و انتظره الكثير لنشر صور له من الاماكن الخلابة التي زارها، حملة كبيرة شنها شعب الفايسبوك ضد رونالدينيو نجم كرة القدم البرازيلي السابق. الحملة مست كذلك كادوريم

عشية اليوم الأحد 22 ماي 2022، نشر رونالدينيو بضعة صور على صفحته في الفيسبوك و الانستغرام و التدوينة التالية :
“شكرا صديقي كادوريم على الدعوة تونس بلد جميل مليء بالتاريخ “. و للتذكير، حساب رونالدينيو على الانستغرام يعد 66 مليون متابع من جميع الجنسيات.

ظهرت المقالة موجة من اللوم ضده تكتسح صفحات الفايسبوك و الانستغرام: رونالدينيو ينشر أخيرا صورا له من زيارته لتونس أولاً على أنباء تونس.

في كل أزمة و في كل مرة، يدخل كادوريم على الخط كفاعل خير وهو يسوق لصورته عبر الاعانات التي يتقدم بها للجهات المنكوبة سواء في جائحة الوباء حاليا او على اثر كوارث طبيعية جدت منذ سنتين.

منذ اكثر من سنتين و كادوريم على خطى نبيل القروي و جمعية يرحم خليل و في رأسه هدف واحد، السلطة عبر اصوات الضعفاء، هذا ما فهمه الشعب بعد اكتشاف حقيقة القروي و متاجرته بدم ابنه و علق عليه اليوم الاعلامي سمير الوافي توقيا من لدغة اخرى اسمها كادوريم و نشر تدوينة فايسبوكية جاء فيها ما يلي:

“يا سيد كادوريم عاون بلادك وناسك من غير مهرجان وبروباغندا وحملة وكاميرا وراك وطيارة خاصة وتابي روج…يرحم والديك…من غير ما تحاول تحسسنا أنك إنت الوحيد اللي عاونت…فمة شكون عاونو أكثر منك من غير دعاية لأشخاصهم…

– فمة طبيب تونسي كبير في سويسرا جاب بمليار تجهيزات ومساعدات…سمعنا بفعلو من غير ما نحفظو إسمو والا نشوفو وجهو…

– وفمة رجل أعمال في سوسة عطى لسبيطار واحد نصف مليار من غير ما يقول حتى ربع كلمة…فعلو حكى عليه…

– وفي زغوان مثلا…فمة شكون عمل وحدة كوفيد ب 300 مليون وما حبش حتى يتصور وإلا ينشرو إسمو…!

– وفمة برشة توانسة في الداخل والخارج يعاونو في السبيطارات كل يوم…وأنفقوا مليارات على أقسام كوفيد…وفمة زادة جمعيات صارفة مليارات من غير شخصنة فجة ومبتذلة…وعملو مستشفيات ميدانية مجهزة كاملة…وفمة اللي عاونوا من غير لا نسمعو بيهم لا نشوفوهم وكان موش هوما راك ما خلطش على البلاد صامدة وتقاوم لتوة بعد عجز الدولة…!!!

يعني ماكش باش تعلم الوطنية للتوانسة…والخير لقلوبهم الكبيرة…والا تزايد عليهم في الوطنية…وما عطيتش أكثر منهم…عاون برقيّ وترفع وصمت نبيل…وانت كل مرة حسّك سابقك وزغاريدك أكثر م الكسكسي…وإخراج سينمائي لكل كردونة تمدها…وتلافز وكومينيكاسيون ودعاية صاخبة…يا أخي شكر الله سعيكم…لكن لا تحول العمل الخيري إلى دعاية لشخصك…وكأنك الوحيد والفريد الذي يساعد ويتبرع…ولا أحد ينافسك في الوطنية…وكل دينار تدفعو تعمل عليه كليب…!!!”.

ظهرت المقالة الوافي: يا سيد كادوريم، ماكش باش تعلم الوطنية للتوانسة و انت على كل دينار، دعاية و تلافز و كومينكاسيون أولاً على أنباء تونس.

على اثر ظهور K2 في برنامج “فكرة سامي الفهري” في سهرية السبت 27 مارس الجاري على قناة الحوار التونسي مع الهادي زعيم، نشر مهدي غزاي، الخبير في الاتصال و التحليل السياسي، الاحد 28 مارس 2021 على حسابه الخاص بالفايسبوك، ما استنتجه بعد متابعته الحلقة المثيرة للجدل (باللغة الدارجة):

“هو المسلسل مازال طويل ، و مازلنا بش نشوفو خطابات اخريين. و لكن ايجا نرجعو على حصة البارح خاطر نجمو نتعلمو برشا حاجات.

برنامج البارح ، تم إعدادو ، في مقاربة #معاكسة تماماً من برنامج #ديما_لباس ، و هوني تكمن خبرة Hedi Zaiem في المجال :

1- ال-EXORDE ، معناها #الدخلة: في ديما لباس كانت فما mise en scène كاملة لإستقبال سي K2rhym €: البساط الأحمر ، و الخشوع و اللبسة و حتى تصويرتو مع #العلم.

البارح ، كانت دخلة أكثر من #عادية ، و أخبرنا سي كريم إلي حتى قهوة ما خذاهاش.

و هذي هي الدخلة : K2RYM في بلاتو #محايد ، موش بش يكون فما رمي ورود و هذا إلي يضفي نوع من #المصداقية أكثر في البرنامج هذا.

2- في ديما لاباس ،كانت زادا عنا 13 دقيقة بين مدح “انجازات” سي كريم K2RYM من قبل مقدم البرنامج و ال VTR إلي حضروهولو بموسيقى مرافقة حربية.

في البرنامج هذا اكتفينا بصورة و جملة : مدرسة و سبيطار في حفوز.

الخبر يكفي ، و الطريقة كانت أكثر #متناسبة مع الشخصية إلي يحب يقدمها سي كريم.

3- في ديما لباس ، بدينا بالبساط الأحمر و التهليل : يا كريم سير سير ، مروراً بال “واو” متع نوفل ، و العادل المنفذ و الصك البنكي إلى أخيراً عودة إلى التهليل في تعاليق #الفاسبوك يا كريم يا رئيس.

المشكلة هوني أنو الحصة لكل تكون على نفس الخط إلى درجة تكون #مملة. كيما في فيلم ما يصير فيه حتى شي و البطل ديما فرحان. ما فماش مصعد عاطفي

البارح ، كانت فما #نقطة_أ ، إلي هي سي كريم ما خذاش قهوة و فقرة كرسي الشوك ، إلي عطاو فرصة للضيف بش يجاوب على الإتهامات لكل ، و وصلنا إلى #نقطة_ب ، إلي هي كرسي الحب ، إلي سي كريم يحل فيها قلبو و يقرب للمشاهد في نوع من الإنسانية و المصداقية ، وصولاً إلى نهاية سعيدة :

المقدم و الضيف بش يمشييو ياخذو قهوة مبعضهم.

سيناريو كامل ، يخليك تاخو #إجابات على الأسئلة متاعك ، تطوي الصفحة ، تكتشف الضيف و تقربلو أكثر و يمكن حتى يكسب #مودتك.

4- نلاحظو حتى تغير في ال-Storytelling متع سي كريم : بعد ما كان يخدم في المرما في أوروبا و هو عمرو 16 سنة ، أصبح توا دبر شوية فلوس من الراب و إستثمر في ال-Bitcoin. #سرد ينجم يكون أكثر مقنع لضبابية نشاط ال-BITCOIN و يمكن يتصدق أكثر.

و إلي عندو ملف غير ذلك ، يتفضل ، و كان هو في موقع سلطة/حكم و عندو واجب التحفض، تنجم تعمل تسريبات في الشروق ولا غيرهم.

سي كريم ربي يزيدو و ربي معاه في إلي يعمل فيه ، مع التحفظ على الشكل ، فما جمعيات و مؤسسات تخدم معاهم و موش نهدو هكاكا ، كيما إلي هدو على المطار. نفس الشيء.

لكن ، يبقى نفس المشكل: خطاب k2rhym لم يكتفي بالخطاب من أجل #العمل_الخيري ، و انما هو خطاب #سياسي بالاساس يعتمد على تقنيات خطاب لتمرير #رسالة_سياسية:

من جهة سي كريم ، #مسكين مضطهد من الأحزاب و الحكومة على خاطر يبني في البلاد ، و من جهة أخرى نخبة من سياسيين و رجال أعمال لكلهم فاسدين و يخدمو ضد الشعب، و هذا هو معنى #الشعبوية السياسية.

يا حسرة على وقت بن علي ، إلي قالك ما كانش كل شي وردي و لكن رجل وطني إلخ إلخ إلخ….

(تنجم تتفضل تسمع الشهادات إلي صارو في هيئة الحقيقة و الكرامة على مدى….الوطنية متاعو ) .

و نختمو بقولة :

الإسم : كريم الغربي

المهنة: ناطق (غير) رسمي لليلى بن علي.

#سلطة_الحوار”.

ظهرت المقالة الخبير في التحليل السياسي مهدي غزاي: K2 في الحوار التونسي، الاسم كريم الغربي، ناطق (غير) رسمي لليلى أولاً على أنباء تونس.