و أعلن مهاب القروي، عن انا يقظ. من خلال التدوينة التالية عن توقيت الانطلاق لاذاعة شاملة:
“وأخيرا غدوة الإثنين 10 أكتوبر 2022، التوقيت: 06:00 متاع الصباح: انطلاق البث المباشر لإذاعة Son FM **

ابتداء من غدوة وكل يوم من 6 متاع الصباح حتى 8 متاع الليل باش تكتشفوا البرمجة الشتوية للإذاعة إلي تنجمو تسمعوها في تونس الكبرى على 100.0 FM ولا livestreaming على موقعنا sonfm.tn

من ناحية الشكل، الإذاعة حاولنا نوفرو فيها أحدث التقنيات والمعدات المخصصة للبث الإذاعي والرقمي باش نوصلولكم في أحسن صوت وصورة.

من ناحية المضمون، الإذاعة باش تضم من أفضل الصحفيين والتقنيين ومقدمي البرامج وصناع المحتوى بمعمل اعمار ما يفوتش 25 سنة. الإذاعة نحبوها تكون البديل في المشهد الإعلامي المسموع وباش نحاولو أنها تكون بالحق صوت الشباب والمثقفين والمبدعين والاكاديميين والأقليات. وباش تكون زادة منصة للمجتمع المدني بمختلف اهتماماته وتوجهاته داخل تونس الكبرى وخارجها بشكل خاص.

باش نحكيو في برشة مواضيع، السياسة، الترفيه، المواضيع الاجتماعية، اقتصاد، كورة، startups، الصحة، الثقافة، وبرشة مواضيع أخرى باش نتناولوها من منظور جديد، وبروح شبابية خفيفة.

** الإذاعة هي قانونياً إذاعة جمعياتية تابعة لمنظمة أنا يقظ لكن خطها وميثاقها التحريري مستقلين تماماً عن المنظمة”.

ظهرت المقالة جمعية أنا يقظ: الاثنين 10 أكتوبر 2022، موعد انطلاق إذاعة Son FM أولاً على أنباء تونس.