“اليوم كانت عنا وقفة أمام المسرح للتضامن مع معتقلي الرأي الذين يقبعون في سجون الاحتلال عفوا “سجون الاستبداد” و إلى حد الٱن لم يقع استنطاقهم و لا مكافحتهم بأدلة دامغة أو قرائن تدينهم و السلطة الحالية المتمثلة رأسا في قيس سعيد مازالت تنكل بهم و ترفض كل مطالب الافراج و الاستئناف ضاربين بكل قيم العدالة عرض الحائط.
و انزيد اليوم نسمع إمرأة تقولي “سراق” هذا الوصف لا يليق بهم و هم أبرياء لأنهم لو كانوا سراق ما يقعدوش 12 شهر و ما يبحثوهمش و أنا بالنسبة ليا أمر موحش و فاحش قامت به سلطة قيس سعيد ضد الشرفاء و اللي يشرفوا عائلاتهم و أصدقائهم و التوانسة اللي يساندوهم و مؤمنين ببراءتهم و هذه السلطة اللي مسخت سمعة الشرفاء انحب نسألها تونس تغفق و مبلعة في الديون و هوما يصرفوا في المال العام على هاو انتخابات هاو الشركات الأهلية و يقولو للتوانسة قداش صرفوا فيما لا يعني
خلاصة القول احنا عمرنا ما كنا سراق و لانا سراق و لانا باش نوليو سراق و هاو قدام التوانسة الكل كان احنا سراق خرجولنا اش سرقنا
عصام الشابي و رفاقوا تهمتهم الوحيدة حب تونس بلد لا يقصي و لا يهمش أحد و تونس للتوانسة الكل
و كان النيابة العمومية عندها ماتقول تتفضل رانا مواطنين ماناش حيوانات تعملوا فينا اللي اتحبوا و تمسخوا سمعة المواطنين باش وحدة ماتسواش اتقلي سراق”.
شارك رأيك