في تدوينة جدا مؤثرة نشرتها على حسابها الخاص بالفايسبوك، نعت الأستاذة المحامية نادية الشواشي الدكتور جاد الهيشري طبيب الشعب الذي وافته المنية يوم الجمعة الماضي بصفاقس على اثر نوبة قلبية و تم دفنه ظهر اليوم الأحد 31 مارس بمسقط رأسه بأم العرائس بقفصة. كما عزت زميلها الأستاذ المحامي حمادي الهيشري شقيق طبيب الشعب و المدافع الشرس على المستشفى العمومي و المدرسة العمومية، شبيهه في الوطنية و الثبات على المبادىء.
و جاءت تدوينتها التي حررتها بالدارجة التونسية كما يلي:
“جاد الي انا موش مصدقة الي هو غادرنا ونتمنى تكون كابوس ونفيق منو
انحبو بارشا ونتمنى يحيي ولدي يكون كيفو وكيف حمادي خوه في الوطنية والمبدئية ..والتربية ..والتميز العلمي ..والمهني..ربي يرحم جاد ويطول في عمر حمادي ويصبرو ويقويه…
تقابلنا بارشا مرات وتكلمنا..فذلكنا …وضحكنا بااارشا …
جاد الي رغم صغرو كانت رؤيتو وبوصلتو واضحة وثابتة ..كان يتكلم ..ويعري الفساد …الكلام الي قالو جاد الله يرحمو ..والي بارشا ماكانوش باش يوصللهم لولا موته التي عرات جهلنا بشخص في قيمة جاد..في عصر التفاهة والتفه…
الكلام ال قالو ..كان ينجم يكون موجب للإحالة عالمرسوم 54 سيء الذكر لو كان جا جاد مازال حي ينورلنا ثنيتنا ويحللنا عينينا علي داير بينا. باش نبنيو على قنطرة صحيحة ومتينة. ..
وراهو يمكن لقينا ناس ادافع في الاتجاه المعاكس ..من نوع كان كلامو صحيح يثبت..وشبيه يثلب في الناس..ومنين ليه هالكلام ..وراهو يمكن تحال على نسبة امور غير صحيحة كيما غيرو..
الكلام هذا قالو جاد نفسه..قال الكلام هذا ينجم يعرضني للملاحقة عالمرسوم 54 …ورغم ذلك ميهموش ..الملاحقة لأنه وطني ..لأنه تونسي ولد تونس ويعشق تونس..ويعرف الي ميدوم حال…
وكان معمل على الدفاع والمحاماة ..معمل على الأستاذ حمادي الهنشيري المحامي المبدئي المحامي الي مبادؤو ثابتة الي هو زادة فلتة ديامونت معير …
حمادي خو جاد زميلي وخويا الصغير شارب من نفس العايلة يتكلم نفس الكلام ونفس الشراسة ومن اهم المدافعين على الحريات …
كان بيناتهم تكامل رهيب ..ربي يصبرك يا حمادي وخي
يرحم والدين الأميمة حدة والبو الوطني والي جابو ورباو…
وموش كل صغير يتزاد. يزيد لبلادو ..وأهله وأماليه..
عاد وقيت..نراجعو أمورنا…ويزينا ما خسرنا …
ويزي من أنه نستناو نواراتنا وأملنا يموت .. باش نسمعوهم ..من غير منحاكموهم …
ربي يقويك حمادي
ربي يصبر العايلة ..
ربي يصبرنا…”.
شارك رأيك