يكتب فوزي بن عبد الرحمان وزير الشغل سابقا اليوم السبت 28 أوت 2021 عن التصريحات الأخيرة لرئيس الجمهورية وهو يتكلم عن الاقتصاد رغم محدودية ثقافته بالقطاع بحضور رئيس جمعية تضم 24 مؤسسة بنكية يعتبرها “قيمة تاريخية” و يطرح حزمة من التساؤلات حول هذه التصريحات الغريبة. و في ما يلي ما نشره فوزي بن عبد الرحمان على حسابه الخاص بالفايسبوك:
“باهي.. توا الناس الكل تعرف اللي السيد الرئيس حفظه الله لا يفهم أبجديات الإقتصاد و التعامل الإقتصادي.
و نعرفو اللي إسم الله عليه ما يسمع كلام حد.. و لكن بربي ما ثما حد يقلو اللي راهو الفيديوات متاعو يدورو العالم في دقيقة و اللي كلامو على أموال القروض اللي تتصب في حسابات الفاسدين البرّا.. راهو أولا كلام ما ينجمش يكون صحيح و كلام ما يجيش على لسان رئيس دولة، و ثانيا يعطي فكرة خايبة ياسر على رئيسنا و ثقافتو الإقتصادية و ثالثا يزيد يشوه صورة تونس..
و زيد هاك الصورة متاع رئيس جمعية البنوك و الكلمة اللي قالها و هاك المجهود اللي عاملينو 24 بانكة.. وقت هاك القيمة (قال الرئيس تاريخية! ) ينجم يعطيها واحد وحدو من جملة المساهمين و في مؤسسة واحدة.. جمعية البنوك صحة ليهم دبروها.. حتى حد ما هو قاعد يقول لهم حقائقهم الأربعة.
لو كان يقعد الكلام هذا بيناتنا موش مشكل.. نعرفو بعضنا و ما ناش براينية.. أما الفضائح هاذم يدورو في العالم.. و الله موش معقول.
ما ثما حد يكلم الرئيس و يسمعو؟؟
ويني_الحكومة؟”.
شارك رأيك