نشر الدكتور وجيه ذكار، رئيس منظمة الأطباء الشبان مساء اليوم الاثنين في ساعة متأخرة من الليل التدوينة التالية:
قامت وزارة الصحة بمراسلة المستشفيات وطلبت منهم معطيات حول حالات الوفاة المتعلقة بضربات الشمس، عبر تعمير هذه الوثيقة وارسالها لمصالح الوزارة.
وعليه نطلب رسميا، من السيد مصطفى الفرجاني وزير الصحة، ان يخاطب المواطنين ويقوم بنشر هذه المعطيات للشعب التونسي، للحد من اي معلومات مغلوطة من جهات غير رسمية”.
و كان ذكار قد كتب سابقا في نفس الوقت ما يلي:
“-مش عادي انه الضو يقص على المواطنين.
- مش عادي انه الضو يقص عالسبيطارات.
- مش عادي انه كي الضو يقص عالسبيطار، مافماش groupe électrogène، وحتى كان فما، يكون مايخدمش ولا يخدم جزئيًا.
- مش عادي انه سبيطار مهدية مافيهش قطرة ماء، والsonede كيف كيف، ونمشيوا نعبيوا الماء من ديار المواطنين اللي بحذا السبيطار.
-مش عادي انه في 24 ساعة، يموتوا 10 مواطنين ومنهم زوز جابوهم من السجن، بينما ڨابس الكل مافيهش كعبة ثلج. - أما المش عادي بلحق انه البارح، يقص الضو على قسم انعاش الولدان بمستشفى وسيلة بالرابطة اللي فيه آلات التنفس الاصطناعي، ويجيبوا الطبة من ديارهم بش يقوموا بتنفيس الصغار يدويًا وتصير حالةطوارىء ويجي مدير ال STEG والناس الكل تتصل باقسام الولادان في سبيطارات تونس بش يهزوا الصغار هاذم وينقذوهم (والحمدالله ماصارش وفيات)..
في المقابل الوزارة لا حياة لمن تنادي…
ورؤساء الاقسام والأطباء والهيئات العلمية والادارات الجهوية وادارة المستشفيات، كلهم ساكتين وممكن خايفين لا يعلنوا حالة الطوارئ ويتخذوا الإجراءات الضرورية، من غير مواقفة السيد الوزير، اللي يحب كان الإنجازات ويكره الموجات السلبية”.
شارك رأيك